德美壽司 (新都城中心1期) (已結業)

🇯🇵挂住日本系列。一到日本旅游就会胃口大增，可以由日食到夜。其中特别钟意去二十小时寿司店食宵夜，西京烧银雪鱼及烧火卷系必点。🍣香港嘅连锁寿司店五指可数，今次就发掘一下低调地壮大嘅「德美寿司」。将军澳门店门庭若市，气氛热闹。小编依旧试试西京烧银雪鱼及烧火卷嘅水平，另外单嗌咗一份新香小卷。🥢新香卷（$32）：一客六贯，内馅为腌黄萝卜。黄萝卜都几爽脆；醋米以白醋调制，醋味适中，有醋嘅酸度，同事亦都保留到米嘅香味。🥢铁火卷（$58）一客六贯，内馅系吞拿鱼赤身。鱼肉新鲜，口刁嘅朋友亦都给予正面嘅评价，一口气叫咗两客！🍱西京烧银雪鱼定食（$120）：- 套餐包括三文鱼沙律，味增汤，白饭，及两件银雪鱼。说实话，银雪鱼真系好惊喜！店家用咗口味偏甜嘅白味增作腌制。另外亦好有心机地将整件银雪鱼喺平均受热嘅同时，做到轻微烤焦嘅效果。高温先加强挥发出味增，味琳等香料嘅香味，继而将鱼油香逼出，达至微焦效果。- 味道方面，尤其啲烤焦左嘅位置，特别香口。鱼肉滑嫩，每一口都充满著银雪鱼油嘅油脂香。第一啖到最后一啖都好味！🍮最后嘅最后，侍应为我哋送上是晚甜品，芒果布甸以及绿茶啫喱，为晚餐画上一个完美嘅句号。德美寿司 (