影片
更多
2021-01-25
1333 浏览
夜晚冇得堂食😭，但又心血来潮想食日本嘢🎌，于是去开新都城，就顺便帮衬埋「德美寿司」买两个晚餐食。虽然Walk in入去买嘅人唔多，但我就疯狂听到外卖App机嘅响声，所以佢应该都有唔少单🧾。等候期间，我留意到餐厅面积都唔细，环境干净企理。墙身似系山景🏞，蓝白色调，望落令人感觉舒服。餐厅冇特别设计外卖餐单，主要都系采用返堂食嘅晚市餐牌，选择都几多，有鱼生丼、亦有定食便当🍱，价钱介乎$75至$168不等。唔知👫二人套餐有冇得外卖呢？餐厅唔会因外卖而缩水，份量同堂食一样之外，亦同样会送上沙律同面豉汤。所以即使呢度系两个餐，但开餐时感觉都好丰富😍。三色丼($118)，丼饭冇令我失望，同喺餐厅食嘅造型系一模一样。🍣三色刺身包括三文鱼、油甘鱼同一粒大带子，前两者就各有三片。刺身每片都系超厚切，所以食落有满足感。丼饭上面有一只温泉蛋🍳，建议笃穿佢捞汁食。我略嫌今日嘅寿司饭酸咗少少，但好在佢同平日一样喺饭入面加咗大量蟹籽、杂菇、海带同芝麻，佢哋全部都有助提升味道同口感。活鳗鱼朴叶饭定食($108)，🐟鳗鱼饭都唔错㖞，虽然鳗鱼得四件，但胜在每件都几大块，而且最重要系冇骨❎🦴。另外，馒鱼下面仲放满一层煎蛋丝
夜晚冇得堂食😭，但又心血来潮想食日本嘢🎌，于是去开新都城，就顺便帮衬埋「德美寿司」买两个晚餐食。虽然Walk in入去买嘅人唔多，但我就疯狂听到外卖App机嘅响声，所以佢应该都有唔少单🧾。
等候期间，我留意到餐厅面积都唔细，环境干净企理。墙身似系山景🏞，蓝白色调，望落令人感觉舒服。
餐厅冇特别设计外卖餐单，主要都系采用返堂食嘅晚市餐牌，选择都几多，有鱼生丼、亦有定食便当🍱，价钱介乎$75至$168不等。
唔知👫二人套餐有冇得外卖呢？
餐厅唔会因外卖而缩水，份量同堂食一样之外，亦同样会送上沙律同面豉汤。所以即使呢度系两个餐，但开餐时感觉都好丰富😍。
三色丼($118)，丼饭冇令我失望，同喺餐厅食嘅造型系一模一样。🍣三色刺身包括三文鱼、油甘鱼同一粒大带子，前两者就各有三片。刺身每片都系超厚切，所以食落有满足感。丼饭上面有一只温泉蛋🍳，建议笃穿佢捞汁食。我略嫌今日嘅寿司饭酸咗少少，但好在佢同平日一样喺饭入面加咗大量蟹籽、杂菇、海带同芝麻，佢哋全部都有助提升味道同口感。
活鳗鱼朴叶饭定食($108)，🐟鳗鱼饭都唔错㖞，虽然鳗鱼得四件，但胜在每件都几大块，而且最重要系冇骨❎🦴。另外，馒鱼下面仲放满一层煎蛋丝，配饭食一流。饭粒用上珍珠米，所以大大粒，粒粒分明。如果鳗鱼汁多少少就更正，不过我相信如果一早讲，佢唔会介意整多汁比我。
跟餐嘅沙律🥗好有诚意，因为唔系净系得菜，而系有一粒细带子。
面豉汤就正常水平啦，汤始终要热饮先好饮，所以我叮翻热先饮😬。
总括嚟讲，德美能够做到外卖同堂食嘅水平差唔多，系一件难得嘅事👍。另外，我仲好欣赏佢嘅外卖包装，外卖盒唔系Cheap嘢，更有考虑到通气嘅需要(热食适用)，而且店员盖得好实，唔易倒泻🥡✨。
张贴
