汀角灣燒烤農莊

营业中

休息中

Item: 汀角灣燒烤農莊
Rating: 3
Author: 奥志雷

Ting Kok Bay BBQ Farm

3.5

92 食记

味道

环境

服务

卫生

抵食

4285

大埔

$101-200

港式烧烤烧烤场

奥志雷

等级4

2.1K

由新娘潭行到大尾笃烧烤，最初系想去巴希雅架，点知话已经订满左，无位烧。唯有转去上星期到访过间嘉年华，但居然比刘德华包左场见 fans 啰！仲围晒黑布，揾埋食蕉系门口守住添呢，守卫深严，亦禁止陌生人接近。最后贪近是但隔离汀角湾试试，还掂未试过。

大门口接代位妹妹好有礼貌又热情地接我地入场，再揾另一位哥哥仔简单介绍食材、设置、地形，最后再揾位叔叔开炉，安排十分畅顺舒服，比起嘉年华话之您既服务态度好好多。叔叔仲任我地自己拣位，决定走到最远处较空旷位置，最开扬而空气流通。

不过最可怕、最恐怖系个洗手间，非常简陋又嗅到不得了，可以跟大陆乡郊比一日之长短﹗第一次入到厕所走返出黎，环境太恶劣顶唔到。但饮左几支啤酒后点都要去一去，我全晚只系闭气去过一次就唔敢再去喇 ﹗

朋友仔因太肚饿所以急急自己亲手下厨，我都甚少有朋友仔服侍，依家只需要企系度等食就得喇，真系难得，爽呀！太开心喇，哈哈 ﹗

汀角湾可以拣港烧或重庆串烧，食材同价钱都完全一样，亦都会提供辣粉及孜然粉。

第一转通常都系烧肠仔先啦，个火实在太猛又唔平均，有部份㶶晒，而有部份就仲系冻冰冰啰，我地又调较唔到碳火呢，如果个炉可以调高低就更好啦。

有厨师肠、蒜香鸡中翼、香辣鸡中翼、黑椒牛扒、金沙骨、等等，不过去到自取食物房时，见到大部份既盘都吉晒既？无野食？个宾宾服务员仲做到发晒脾气，fill 唔切货，而且有同事射波无返工呢﹗

听到话因为刘德华包左嘉年华场、巴希雅又满座，所以人群拥晒黎汀角湾，无谂过今晚会多客得咁利害，连赠送既大虾、活蚬、菠萝都唔够用，老板即飞车出大埔补货呀﹗我地要晚一点先有得攞啊。

厨师肠，唔系假肠、唔系大陆肠，坚系美国厨师肠，Good 㖞﹗烤到外皮微脆、肠身发账就系最好味既时候喇﹗咬落热辣辣出晒烟，肉汁激射，口感湿润，好味道。

蒜香鸡中翼，蒜味突出，腌味可口，皮香肉嫩。香辣鸡中翼，非常微弱辣味，甜味更强，味道都不错。黑椒鸡全翼，烧到燋香促使黑椒味更香浓可口。

黑椒牛扒，当然稳阵食全熟啦！肉质略乸不过份，依然有点咬口，肉汁澎湃，黑椒味香甜轻辣仲有烧烤香气，好味。

金沙骨，半肥瘦有肉食，肉质弹弹带嚼劲，淡淡叉烧酱味道，酱甜味宜人，正呀﹗鸡扒，好食噃，调味刚刚好，鸡肉香甜嫩滑又多汁﹗

我地已经食到好饱喇，中场休息。仲有两位九龙朋友仔搭紧车黎汀角湾 join 我地呢，人齐先开始下半场，继续食唔好停，呵呵呵。

入夜真系爆晒场喇，坐无虚席！连烂地泊车位都塞到满满密麻麻，经常听到广播揾车主移车呀。还间中听到刘德华系隔离嘉年华度唱歌同讲野啰。

刚才入场时我地只有三个人，依家再加两位九龙朋友又要再排过队喇，见职员做到霖晒档又踢晒脚，真系多谢刘德华给他们难得的考试，压力测试！睇黎汀角湾重来未试过爆场到满泻，今晚好生意爆晒数啦。

汀角湾老板终于入完货返黎，有菠萝、金菇、活蚬同海虾攞喇﹗真系抄足巴希雅㖞，系少左香蕉啫。海虾，新鲜度极高，啱啱买返黎麻﹗爽甜多汁，无得顶﹗

蚬煲，完全无需加水架，焗焗吓活蚬就会出水。海鲜最紧要新鲜，任何调味都唔洗添加。大家都激赞个蚬煲正到不得了，蚬肉肥美鲜甜又弹牙，天然海水咸香飘飘﹗

烧菠萝，水份被蒸发使到菠萝更甜，加上烧烤味芬芳都唔错。锡纸焗牛油金菇，大路普通，牛油甜美夹著爽爽金菇，满意。

鸡扒同金沙骨最好味，大家都赞好食过嘉年华，又无麦师傅咁浓味，添食再添食。其实有秀珍菇、韮菜、秋刀鱼烧架，无攞啫。我唔食青椒架，所以唔知好唔好食。

牛舌，我从来未食过腍劈劈牛舌，仲要劲膻，咬左啖就掉左喇。贡丸、墨鱼丸，味道好咸，质感粉到不得了，大家都只系试左一啖仔放弃，平价货。

蒜蓉扇贝，好美味呀﹗虽然系急冻，但味道都唔差，非常鲜甜﹗带子内棉滑弹弹，橙色内脏甘甜无比，热辣辣整只掉入口，心心眼都出埋！扇贝要另外买的，不在任食套餐内，推介。