半熟工房 (金馬倫道) (已結業)

每次到尖沙咀，经过B出口，一望到半熟工房间铺，就自自然然比佢吸左个人过去。唔洗任何理由，就算系去紧食饭都好，都愿意掉低$22食个挞再去食饭。每次帮亲，每次都满满笑容咁离开。今次食呢件暖暖地唔算太热，但又不至于冻冰冰。味道仍然系非常好食！挞皮劲松化，香脆无比。即使唔系热辣辣都可以保持到呢个质地嘅挞皮，真系抵赞呀！芝士软心非常滑溜，好Creamy，份量又多，芝士香味在口中徘徊，劲正呀！！永远都食唔厌，永远都保持高质，正！