龍悅 (富善商場)

营业中

休息中

入大埔揾屋企人饮茶，方便屋企人就去就去附近嘅屋村酒楼。其实都好耐冇嚟过呢一间，好似轻轻装修过吓咁。呢度除咗方便之外，就系下午茶都有好多款式拣，真系花多眼乱。餐前小食唔少得，见佢有个蒜泥猪手就试吓。印象中佢啲小食都唔错，尤其是个口水鸡。但系今次我俾碟猪手吓窒咗，因为个猪手真系完全用滚水烚熟，然后上边谂啲汤渣豉油再加啲蒜泥就算，呢个真系唔建议大家叫。食完之后，个心都有少少离一离。好彩其他点心都唔差，烧腩卷肥瘦适中，个柱侯猪手亦都好入味。个虾饺啲皮都几薄，而且虾肉几爽，虎皮尖椒都好够辣。最钟意系佢有牛骨髓，真系唔系咁多间酒楼都仲有呢啲咁嘅传统点心，值得一试。椒盐鱿鱼须，纯粹个人喜好唔系好钟意佢个炸酱系呢一个做法，但系味道系正常嘅。星洲炒米都有镬气，就淡咗少少，不过唔好食咁咸都系健康啲嘅。好可惜个小笼包漏咗单，要留返下次先有机会再试。孖宝嚟讲$32有牛肉有凤爪排骨饭，冇投诉正常味道。同埋头先个牛骨水同埋猪手都系属于孖宝，简直系超值。