小方糖甜品 (新都城中心三期)

营业中

休息中

系新都城食完饭，想食下甜品，就嚟咗呢间楼下既甜品舖，可能因为疫情关系，唔算多人，可以留喺度堂食！因为想食热食，我就叫左一个番薯糖水，正正常常，都几足料嘅，食完暖笠笠！而因为可以堂食，就叫左一个朱古力心太软，虽然都等左一阵，但师傅好用心啊，画左一个蜡笔小新嘅公仔，我见隔离枱都有叫㗎，只碟既公仔系唔同嘅！心太软外脆内软，用刀一切落去，朱古力浆流出来，夹埋冻冰冰嘅雪糕，又好夹㖞！雪糕系有一粒粒嘅朱古力碎，唔似cheap野！