The Mafe Cafe (已結業)

約咗友人喺旺角Cafe傾計食飯，雖然係平日，但都幾多人。餐廳入面掛咗唔少田園風格既畫，感覺好舒服好relax。我地點咗2個dinner set，仲有心太軟同埋芝士焗薯條。忌廉煙三文魚配天使麵 ($108)煙三文魚既賣相似玫瑰，入口肉質嫩滑，而且帶有淡淡既煙薰味，唔會好鹹。至於醬汁帶有忌廉和牛奶香，質感濃稠，緊緊裹住天使麵，唔錯！日式黑椒牛柳粒飯 ($114)比起天使麵，牛柳粒飯需要等耐d，但都值得，碟飯有濃濃既黑椒味，而且亦夠汁。而牛柳粒入味之餘又嫩滑，好惹味👍芝士焗薯條（＄48）選用咗粗薯條，上碟既時候熱辣辣，芝士份量唔少，滿足到我呢個芝士控~心太軟+雪糕 (跟餐加$35)🍦心太軟係即叫即整，朱古力味好濃，蛋糕外層香脆，一切落去裏面的朱古力漿好似火山岩漿咁慢慢流出嚟，配埋呍呢拿雪糕，一熱一凍好好味呀😋飲品就分別加＄7和＄2點咗榛子朱古力同熱咸柑橘蜜。朱古力帶有淡淡榛子味，而咸柑橘蜜味道都可以。