三姐松記糖水 (已結業)

喺附近食完午餐仲有少少时间，想食个甜品， 行过见到入面几光猛干净，就试下！呢间糖水舖有传统嘅中式糖水，亦都有啲新式少少嘅 芒果肠粉呀、榴梿班戟呀、鸡蛋布丁呀…… 几多唔同种类选择！我心大心细，想食心太软，又想食焦糖炖蛋。不过 两样都系一向甜到漏嘅甜品。 问一下店里面嘅姐姐推介，佢话佢哋个心太软唔会太甜，拼一个酸酸哋嘅益力多雪糕，成个感觉会好平衡。 焦糖炖蛋会拼一个青柠雪葩， 𠮶个雪芭系超酸嘅，唔食得酸嘅朋友可能唔系太接受。所以我最后拣咗心太软！ 次次心太软一上枱， 我就系最钟意一刀切开佢，睇住佢流出嚟嘅朱古力， 个感觉好难形容（ 应该好多人同我一样！哈！） 姐姐讲得啱，呢个心太软真系比市面上一般卖既冇咁甜， 个朱古力蛋糕外面系烘到微微脆， 沾住啲朱古力酱食非常之好味！ 食完心太软再食微酸的益力多雪糕，中和番整个甜滞嘅感觉！ 呢个真系要推介