Grand Central Bar & Grill (已結業)

黎到 Elements 嘅Grand Central 用Entertainer main dish 买一送一！好彩被编排坐咗喺留上角落头位，否则其他位置都几嘈好难倾计。都未坐定就先order 杯happy hour，8点钟last call。我地当然系先叫一杯再keep 一杯后上啦。叫咗个龙虾扁意粉 Lobster shrimp & saffron Linguini 同 青口 Mussels。 龙虾意粉唔错，几只小虾同埋爽口龙虾肉。相反青口就普普通通，个汁太稀，反而将青口个包点落龙虾意粉个汁度仲正！Sides 我地叫咗忌廉通粉同忌廉菠菜，两个都系忌廉就有少少腻。最后上嘅朱古力心太软就无得顶。以前自己学识整呢个甜品之后，就觉得街𠮶啲一系太熟一系个味道唔岩。但系呢度嘅心太软系我少有嘅推介。熟度岩岩好，唔会太多蛋糕，同时朱古力酱嘅甜味系岩岩好，同雪糕味系match 唔会比另一边抢晒！不过，呢度嘅service 就麻麻，佢地好似好忙咁。叫几杯水叫左成个钟，叫过几个waiter 先有。