新麻蒲 BBQ (東港城) (已結業)

今晚突然好想食石头锅饭，所以去完将军澳揾朋友就同佢食埋饭先返屋企，佢介绍去哩间新麻蒲韩国餐厅度食，原来哩度唔单止得韩式烤肉食，仲有些饭、面、汤等食物可点选，我点左石锅牛肉拌饭，饮柚子茶，朋友点韩式牛肉炒粉丝。店员落单一回来，就捧著四碟韩式小食黎比我们，他放低后仲话食完之后可以再叫，无限添食，小食有泡菜、沙律、腌洋葱和海带，我地一边品尝，一边聊天，唔洗十分钟既时间，石锅牛肉拌饭便送到，热呼呼，加入韩式辣酱拌均饭面上的牛肉、脆肉瓜、波菜、红萝卜、香菇、心心太阳蛋和芝麻吃，香喷喷，有些饭蕉，真系好味，而朋友叫既炒粉丝，望落同我个石锅饭既材料一样，只系无左只太阳蛋，变左鸡蛋丝，好大碟，朋友惊食唔哂，分左些比我，食到甜甜地，好味。哩度虽然主要系食韩烧，但我地坐左成个几两个钟时间，都唔会闻到太劲既烧烤味道，哩点真系要赞下。