辣椒會

营业中

休息中

今晚我们再去咗湾仔骆克道嘅「辣椒会」食晚饭！我们叫咗炸脆米片「跟猪肉椰汁」、烧猪颈肉、炸鱼饼、香茅炸鸡、辣青柠鱼、豉油王炒河、粉丝蟹煲、蒜蓉炒通菜、马蹄冰、芒果黑糯米饭同椰青！炸脆米片「跟猪肉椰汁」嘅脆米片炸得非常香脆，加埋椰汁一齐食，真系相当惹味！烧猪颈肉嘅肉质超嫩滑爽口！炸鱼饼嘅肉质好弹牙，浓浓嘅香茅同冬荫功味，真系非常惹味！香茅炸鸡嘅炸得肉质好香脆软滑，唔会有「嚡」嘅感觉！辣青柠鱼嘅卖相非常吸引，鱼肉嘅肉质相当嫩滑！豉油王炒河炒得镬气十足，河粉亦好爽滑！粉丝蟹煲嘅蟹肉非常新鲜，味道超鲜甜，蟹嘅肉汁溶入晒粉丝入面，令粉丝充满蟹嘅香味，极之惹味！