漁品酸菜魚火鍋放題 (已結業)

难得一日早放工~心思思想食麻辣烤鱼,咁就上网揾吓资料啦. 喺大围见到呢一间《渔品酸菜鱼火锅放题》又近火车站 。就打电话去book位了～去到同朋友两个人叫咗一份二人烤鱼套餐 . 都系$398。 （有一条烤鱼。乌冬、金莎炸鱼皮、支竹、炸芋头、杂菜、同两罐无酒精饮品）佢先来左一碟咸蛋金莎鱼皮～ 因为太肚饿所以我就夹左几块嚟食😂 都够脆（个人建议连埋麻辣汤汁食会好食好多）大约7分钟左右烤鱼就送到上枱面。都算10分快 ～ 条鱼都好大条 ～呢个价钱有惊喜❤️同埋条鱼好新鲜～啲肉好爽口弹牙 .呢点真系好重要。因为我之前曾经喺其他餐厅食𠮶啲鱼肉系梅嘅。🥺 佢嘅麻辣度完全系我钟意食嘅😘如果你哋唔食得辣可以叫佢小辣。因为都几辣👯‍♀️不过小妹系超级钟意食辣。所以完全觉得劲正～佢入边嘅配菜都好多。个人觉得炸芋头 同莲藕 最好食。 芋头最好煮得耐啲。会更加入味～ 总括嚟讲呢个二人套餐已经食到我哋好饱😘 下次要来试埋佢嘅酸菜鱼❤️👯‍♀️