貢茶 (大本型)

营业中

休息中

好耐无饮珍珠奶荼，因为知道饮一杯等如食咗好多糖。但今晚食完饭行返屋企，见有人拎住一杯，搅到我又心思思，结果都系抵唔住诱惑。奶盖奶茶 $22 - 先讲包装，贡茶系无杯盖，面层系将杯入机器，之后有一层胶全封式。但想讲饮奶盖系要打开杯盖，之后45度将芝士奶泡同茶一齐入口，咁先好饮。但而家只可选择用饮管饮，或者撕开胶纸。我拣咗撕开胶纸饮，但发现之后好唔方便，因为无咗个盖好危险。奶盖好杰好挺身，芝士咸香味亦算浓郁，但茶唔够香，茶味比较淡。珍珠奶茶 $20 - 茶味同样系淡，奶味就比较浓。甜度方面，唔知系咪冰多咗少少，所以又唔觉得好甜。而珍珠份量亦唔算好多，但口感烟韧，好有咬口。