影片
更多
2020-12-13
1462 浏览
放假去咗沙田揾朋友Hea下，我哋去咗新城市三期一间中菜馆食晚饭🥢，餐厅叫做「四季芬芳」。等位期间，我哋见到大大个「蛇王芬」灯箱，其后更知道佢哋嘅渊源😉。由于我哋晏咗落去食，八点钟坐满人，得番包箱有位，但店员好好人俾我哋坐🤣。餐厅环境好靓，佢由地板以至墙身都经过精心设计，装潢带点中式风，用上湖水蓝色调更显瑰丽💙。呢度嘅餐具以至餐牌都好有心思😍，每样均印有餐厅名字，而且餐纸更䆁述餐厅嘅起源背景，令客人留下深刻印象。题外话，餐厅收茶位每人$10。灌汤竹丝鸡百花丸($38粒)，餐厅嘅食物出品卖相好靓，呢粒百花丸玩味十足😜，因为佢将汤汁放入滴管，再让我哋插入丸中间灌入。百花丸大大粒，炸外皮超酥脆，仲冇无油腻嘅感觉；而入面就有虾胶同鸡丝🍤，好味。花胶太史蛇羹($98)，蛇羹大大盅，装嘅器皿红色底座劲有霸气😎。伴旁有薄脆、柠檬叶同埋白菊花，店员介绍传统系用嚟癖腥，不过我觉得蛇肉一啲腥味都无。话说其实今日系我第一次食蛇羹🐍，本身都惊自己未必食到，但食落感觉无乜嘢，口感几似鸡丝。蛇羹够热好滋味，而且配料仲有花胶、木耳丝等等，好足料。甜酸苦辣四小碟($98)，顾名思义，即系甜酸苦辣各有一碟，包括甜嘅洛神花
放假去咗沙田揾朋友Hea下，我哋去咗新城市三期一间中菜馆食晚饭🥢，餐厅叫做「四季芬芳」。等位期间，我哋见到大大个「蛇王芬」灯箱，其后更知道佢哋嘅渊源😉。
由于我哋晏咗落去食，八点钟坐满人，得番包箱有位，但店员好好人俾我哋坐🤣。餐厅环境好靓，佢由地板以至墙身都经过精心设计，装潢带点中式风，用上湖水蓝色调更显瑰丽💙。
呢度嘅餐具以至餐牌都好有心思😍，每样均印有餐厅名字，而且餐纸更䆁述餐厅嘅起源背景，令客人留下深刻印象。题外话，餐厅收茶位每人$10。
灌汤竹丝鸡百花丸
$38
14 浏览
0 赞好
0 留言
花胶太史蛇羹
$98
11 浏览
0 赞好
0 留言
花胶太史蛇羹($98)，蛇羹大大盅，装嘅器皿红色底座劲有霸气😎。伴旁有薄脆、柠檬叶同埋白菊花，店员介绍传统系用嚟癖腥，不过我觉得蛇肉一啲腥味都无。话说其实今日系我第一次食蛇羹🐍，本身都惊自己未必食到，但食落感觉无乜嘢，口感几似鸡丝。蛇羹够热好滋味，而且配料仲有花胶、木耳丝等等，好足料。
甜酸苦辣四小碟
$98
22 浏览
0 赞好
0 留言
其实四款小食各有特色，好难话边款最好食。🌶辣𠮶款相对普通，因为系酸辣青瓜。最有惊喜嘅系苦𠮶味，因为凉瓜加上蜂蜜柚子🍯，令到苦瓜变得易入口，好正！另一方面，每款小食嘅形状均切成扭纹，好鬼过瘾。
芋头腊味煲仔饭
$88
25 浏览
1 赞好
0 留言
芋头腊味煲仔饭($88)，煲仔饭大大煲，嚟到嘅时候先盖住一阵，店员其后就嚟到面前帮我哋捞匀，而且仲点火🔥，营造火焰嘅效果。煲仔饭好足料，有芋头、蜡肉、腊肠同润肠，基本上每啖都食到𩠌。听讲话啲腊味系自家制添！
煲仔饭当然唔少得饭焦啦🍚，配饭嘅酒香火焰甜豉油唔会太咸。
咖喱甘蔗薯仔牛筋腩
$128
15 浏览
0 赞好
0 留言
咖喱甘蔗薯仔牛筋腩($128)，其实本身系想嗌焦糖龙井烟熏炸鸡，但已经卖晒所以我哋就转牛腩啦。🍛咖喱牛腩煲热辣辣，当中的确落咗甘蔗，但就唔可以食用，而且味道亦无明显变甜，不过咖喱味就唔会太辣，亦几惹味。🐮牛腩牛筋好大件，咁先至有口感㗎嘛。呢一刻我好想要碗白饭捞汁啊。
甜品
$58
16 浏览
0 赞好
0 留言
总括嚟讲，四季芬芳喺各方面都令人满意💯，食物味道算系几有水准。再者，餐厅定价唔算贵，其实只系同普通街坊酒楼差唔多价钱，但菜式就好特别！最后，原来餐厅九点半就闩门，我哋夜去又食得慢，但女店员好好人，完全无催赶，服务值得表扬啊👍。
张贴
