Ciao

营业中

休息中

Ciao系意大利文再见嘅意思。餐厅唔系好大，但坐位唔会太逼，感觉都几舒服。而店内贴上”我真系好撚钟意香港”，就更加分。店员系埋单更会询问食物意见，好有诚意。黑松露薯条 $38真系要赞一赞，薯条外脆内软，落黑松露都一啲都唔手软，所以食落好香黑松露味，另外配上黑松露酱，令到黑松露味更香更浓，一定要试。水牛城单骨鸡翼 $48鸡翼会香煎过，然后再系鸡翼上面淋上由洋葱、辣椒粒、香草等材料制成的酸辣酱，好惹味。黑松露野菌意粉 $68意粉煮得够腍，忌廉煮得好creamy，好香黑松露味，野菌有几种菇类，口感好爽口。BBQ猪肋骨 $108BBQ酱调得好好，甜得黎唔会太漏，带有少少酸醋味。肋骨都烤得好好，但就比较薄。