大家食 (福榮街) (已結業)

知道大家食同新之食o系福荣街埋身肉搏，出动衬衬热闹。话名大众化，有好多野都系唔好要求咁高。靓姐今日都算系咁，由本来「追迫」我落柯打软化至应o左声「哦」+ 远距离监视；就非紧忙时间而言，靓姐极度尽忠职守。叫o左「村村汤锅面」，要了手搅面，中辣(因为唔知佢既麻辣指数有几劲)，配粉肠。平心而论，就份量同质素都唔多值$23：除o左用日本汤锅型胶碗盛，其实碗面同其他面份量都差唔多；D 面唔觉弹牙，散既程度可以用羹舀，再加上粉肠剪到一吋咁短，D 青椒粒又「够哂」碎，用筷子夹既力都悭番。原本想俾 评分，但俾我事后「惊现」原来佢D 麻辣要o系我饮o左水，要有水掂到唇边先至知有好短暂既「麻麻o地」感觉。咁就算啦。要同「孖生」埋身肉搏，抆D 噃。PS: 环境俾3 最主要系因为部Plasma 电视机，而唔系部电视机+ 贺年音乐混埋一齐唔知点既声。