影片
2014-08-05
2550 浏览
记得第一次食greyhound系一个特别既"约会", 同时系因为coconut crepe cake而令我将佢放入wishlist! 之后都唔记得系食过几多次greyhound, 连去bangkok都食过一次, 而greyhound系香港都愈开愈多分店! 今日做完运动同朋友黎到新世纪食个late lunch, 出完汗揾个舒服既地方叹下先~ 侍应带我地去到最入既梳化位, 有D爱上呢度个装修, 咁岩坐窗边, 阳光令到成间餐厅好光猛, 有种令人开心既感觉, 食野都开胃D呀! Phad Thai系泰国经典菜式, 都系我去泰国餐厅通常会叫既... 今次叫左个Prawn Phad Thai, 一上菜已经有阵香味, 令饥肠辘辘既我地食指大动! 即系将旁边既花生, 芽菜, 虾同粉捞均就可以开动喇! 河粉炒得非常适中, 仲有种淡淡既甜味, 配合香口既花生碎及爽口既芽菜, 口感不错, 虾亦煮得岩岩好, 非常爽脆~另外仲叫左个软壳蟹墨汁面, 本以为系墨汁煮既面, 黎到先知系个面本身已经黑色, 有少许失望啦~ 不过只蟹先系重点, 好少见咁大只蟹就咁扒系面上面, 卖相够晒吸引! 墨汁面煮得好弹牙, 蟹
今日做完运动同朋友黎到新世纪食个late lunch, 出完汗揾个舒服既地方叹下先~
侍应带我地去到最入既梳化位, 有D爱上呢度个装修, 咁岩坐窗边, 阳光令到成间餐厅好光猛, 有种令人开心既感觉, 食野都开胃D呀!
Phad Thai系泰国经典菜式, 都系我去泰国餐厅通常会叫既... 今次叫左个Prawn Phad Thai, 一上菜已经有阵香味, 令饥肠辘辘既我地食指大动! 即系将旁边既花生, 芽菜, 虾同粉捞均就可以开动喇! 河粉炒得非常适中, 仲有种淡淡既甜味, 配合香口既花生碎及爽口既芽菜, 口感不错, 虾亦煮得岩岩好, 非常爽脆~
另外仲叫左个软壳蟹墨汁面, 本以为系墨汁煮既面, 黎到先知系个面本身已经黑色, 有少许失望啦~ 不过只蟹先系重点, 好少见咁大只蟹就咁扒系面上面, 卖相够晒吸引! 墨汁面煮得好弹牙, 蟹入面有少许蟹膏令整碟面更香更令人流口水... 不过可能因为始终系炸既, 如果可以再多点蔬菜或者少油会更好~
最后一个主菜就系另一款泰国名菜生菜包, 拣左炸排骨呢个配搭... 旁边仲有原粒花生, 青柠, 姜, 洋葱可以调味, 好中意个排骨有好多软骨, 包系生菜入面多左d咬口, 而且都炸得好香! 可惜只有4块生菜, 无机会encore...黎greyhound当然要试下甜品啦, 所以主菜只系食3碟 唔系点留肚!!!
Classic Dark Choco Cake--一向喜欢黑朱古力个种甜中带涩既味道, 见到呢个咁dark既蛋糕就好想食, 不过食落发觉朱古力味唔够浓, 而且蛋糕略碎, 无左朱古力幸福既感觉...
中意食brwonie既朋友叫左个brownie, 相反呢个brownie带比我地惊喜! 有种甜甜涩涩既朱古力味充斥整口腔, 质地松软得黎唔会散开, 云尼拿雪糕就清清地, 一齐食仲可以中和brownie既甜味, 食几多都唔觉得漏呀, 真系食极都唔满足咁 xp
最后要食既当然系crepe cake啦! 之前已经食过清香既椰子同新鲜既芒果, 今次就拣左Mixed Berry Crepe Cake, 上枱第一感觉系好多莓! 除左蛋糕入面, 外面陪碟都放左唔少莓~ 讲返主角先, 滑溜既cream加上烟韧既千层皮口感已经不错, 再配合杂莓既酸甜, 则为crepe cake带来多一份清新味道, 口感更为丰富厚实! 泰国菜一向都几好食, 而greyhound既fusion亦做得几出色! 公司楼下最近都开左间, 实有大把机会再试!
查看之前的留言 ()
张贴
