CoCo壹番屋 (碧海藍天) (已結業)

「老婆不如今晚食咖喱啰！」「其实我心思思想食左几个星期架啦，不过好肥呀！但难得你开口，我哋就去啦！」咁我哋两口子就手拖手去咗屋企附近嘅CoCo日式咖喱屋。CoCo日式咖喱屋店内设计二浅色木色和黄色为主，简单温馨。餐牌里面提供左好各式各样嘅咖喱饭。值得一赞嘅系，饭量由客人选择，例如客人如果要求少饭可以减＄5，既环保又唔需要硬着头皮食晒。咖喱辣到方面可以选择甘口、普通、一辣、二辣、三辣、四辣同五辣。而且呢度提供套餐客人可以自由选配例汤、沙律、雪糕同饮品。选两款HKD18、选三款HKD23、选四款HKD28。我就拣咗套餐，包括任选两款嘅饮品同沙律，而主菜系忌廉鸡肉庵列咖喱饭，庵列系列系冇得拣辣到嘅。老婆就拣咗炸虾饼咖喱饭，仲要系四辣。忌廉鸡肉庵列咖喱饭忌廉香浓、鸡肉嫩滑、咖喱味香浓，加上粒粒饱满的日本饭，味道Ichiban。炸虾饼咖喱饭新鲜炸嘅虾饼，外层香脆、内里淡淡虾肉，四辣对我来讲真系辣咗啲，老婆就话咁先叫辣得过瘾啱啱好，对佢嚟讲系基本。然后佢将Coco提供嘅一支蜂蜜果蜜，落咗一茶匙去啲架呢度。未到产生微妙变化，甜甜辣辣，简直系另外一个层次。