酒筷子 (已結業)

酒筷子系大角咀一间新派中菜，虽然佢个位置唔近地铁站比较吊脚，门面又唔特别显眼，但估唔到佢地嘅嘅菜式唔单止好食，仲系而家喺出面买少见少嘅心机功夫菜，但人均都系二百几蚊已经食得饱人，性价比非常高。由酒筷子地下入口要沿楼梯上去一楼先真正进入餐厅，店面唔算大，大约坐倒十枱八枱，不过每枱都唔会相隔得太近。酱瓜小红茄($58) - 左边系用酱油腌过嘅白萝卜，食落非常爽脆，右边嘅小红茄系去左衣再用话梅水浸过，所以除左番茄嘅酸味仲多左话梅嘅甜甜地味，开胃又好食。清酒鹅肝($128) - 哩个鹅肝侍应介绍系法国货，虽然佢唔似西餐咁煎过，不过一样有入口即溶嘅感觉，但食落系完全唔油腻同埋有好香清酒味，清酒味系啱啱好唔会太重，超正！羊肚菌菊花羹($68/位) - 用豆腐切成菊花虽然靓但唔算罕见，哩个汤最特别系汤入面仲有蒸蛋同鹅肝，两者都仲好嫩滑唔会过老。原来大厨系先将蛋蒸熟，但加入鸡汤、羊肚菌、鹅肝同豆腐一齐炖，比起就咁将所有食材掉晒落煲度一齐炖功夫多好多。鸡汤味道浓甜，唔会太油，羊肚菌出名有益，都有两条。酱皇安格斯牛($228) - 安格斯牛好大份，差唔多有成只前臂咁长，平时出面食西餐，哩个价钱一定食唔倒哩