車品品小食 (已結業)

一直都好钟意车品品哩间小店，因为入面嘅小食都食得出系好有心机设计，虽然价钱有少少贵，但食心机菜真系绝对值得嘅！今日咁岩经过，有啲肚饿，就入左去食碗仔翅，皮蛋同鲁肉饺喇！碗仔翅冇影到相，虽然佢个卖相同街外嘅出品差唔多，但其实睇真啲就知道佢系落足料！有鲜瘦肉啦，花菇．．．食落仲有好香嘅上汤味，一啲味精都冇，食完唔会口干！之前黎都食开子姜皮蛋，今次就试下糖醋皮蛋啦！原来佢嘅“糖醋”真系指好简单嘅糖加埋醋，但食落就同只溏心皮蛋好夹，好味！鲁肉饺系呢度嘅招牌菜，饺皮带点烟韧；馅料主要有萝卜、五花腩，两样都炆到好淋，又香又甜又有啲咸咸地，再加少少自制嘅辣菜甫，真系令人食唔停口！