隨然有機玄米菜食料理 (已結業)

尖沙咀好少纯素餐厅，今日Green Monday见到呢间餐厅楼下嘅餐牌，有洋式及日式套餐，个样睇落几精致，于是被吸引左上去。地方都几大，不过可能新开张嘅关系，连埋我只有三台客。我点左一个洋式套餐，有渍物，沙律，面鼔汤，意粉同一个乳酪甜品。味道方面以清淡为主，平时食开素嘅会觉得好啱口味，如果嫌佢太淡可以问佢攞啲盐。最紧要食材好新鲜，感觉佢好俾心机去钻研纯素嘅食物，而且唔系假西餐。我自己最喜欢个汤，几鲜味，好饮过好多日式餐厅。而个意粉嘅质感做到好creamy, 但一啲都唔油腻，不错不错。我见到系OpenRice ,佢只有一个负评，而且关于服务，感觉对佢嘅食物有啲唔公平，希望多啲人支持佢。我去嘅时候带住BB ,虽然佢系自助形式，但是待应都好体贴，帮我落单同斟水，所以我觉得佢服务几好几贴心。如果你系尖沙咀，又想食得健康啲，呢间餐厅会系唔错嘅选择。