潤

营业中

休息中

因为在社交平台睇到有介绍，长老睇完话点心好靓，于是提早一个月预订，同长老食生日饭，食完先知道系米芝连餐厅。点心味道好，而且非常漂亮精致上镜，服务细心，因为知道系生日饭，提议我哋点咗寿包（外皮松软有流沙，非常好味👍🏻），仲送写咗生日快乐🎂嘅桂花糕同曲奇饼，非常多谢。首先上嘅系鹅肝，入口惊艳，鹅肝幼滑，烟薰味恰到好处。推荐😋👍🏻叉烧是必食，味道略偏甜，肉质偏稔，但因为够入味，一件接一件。蟹粉生煎包，外皮香脆，馅料好鲜美。龙趸皮，非常惹味😋，连葱都好好食。推荐👍🏻👍🏻👍🏻娘惹咸水角，造型精致上镜，味道就不过不失，馅料味道还算不错。龙虾卷，虾肉弹牙，但要快食，因为放耐一阵会偏硬。和牛酥，造型好靓，好松脆，推荐👍🏻👍🏻金鱼饺，绿色部分是蒸蛋白，非常嫩滑，饺子味道反而一般。但光睇造型已经好讃，可以一试。总括来说是值得一试，午餐每人$600左右，服务、环境、食物都非常满意，又靓又好食，长老亦都食得好开心，如果有新菜式都可以再来。