影片
更多
2011-11-16
144 浏览
落完深水埗揾森哥聚旧后, 师傅又唔知去边度好; 坦白讲一份虾籽捞面绝对唔饱, 肚饿咩? 又唔系㖞, 于是就决定再四围兜下, 睇下有咩吸引, 可惜行左半个钟都系得个行字, 最后决定打道回府, 返去自己地头先决定点! 落到区还是冇咩心水, 四围行下之际, 师傅忽然间脑里面浮起炒蛋, 既然要食炒蛋, 咁澳牛就走唔甩, 再望下个时间, 晚上九点半过后, 呢个真系去澳牛嘅最佳时间, 于是就一支箭咁去!入到去人唔算多, 虽然唔使等位, 但侍应嘅手脚并无因此而放慢; 皆因师傅一坐底个侍应已经好似贴身膏药咁, 幸好师傅亦冇咩要考虑, 即刻报上茶餐, 炒蛋多士, 牛肉通粉, 之后个侍应就行开了! 行开了原因系去攞碟通, 所以由落单到碟通粉放喺师傅面前, 前后唔使一分钟!既然摆喺面前, 就随即开餐! 一如以往师傅先试汤底, 汤底真的够清, 有味道但冇味精, 多年来嘅水准依然维持到, 真的不错; 而师傅最钟意将白胡椒粉加入牛肉通粉肉, 呢度嘅白胡椒粉真的够香够辣, 最好一样就系个胡椒粉樽永远冇话倒唔出, 真系路路畅通; 不过是晚通粉就煮得过腍, 入口较粉, 师傅就唔太钟意, 不过系通粉冇坑纹, 冇坑纹的比有
落到区还是冇咩心水, 四围行下之际, 师傅忽然间脑里面浮起炒蛋, 既然要食炒蛋, 咁澳牛就走唔甩, 再望下个时间, 晚上九点半过后, 呢个真系去澳牛嘅最佳时间, 于是就一支箭咁去!
入到去人唔算多, 虽然唔使等位, 但侍应嘅手脚并无因此而放慢; 皆因师傅一坐底个侍应已经好似贴身膏药咁, 幸好师傅亦冇咩要考虑, 即刻报上茶餐, 炒蛋多士, 牛肉通粉, 之后个侍应就行开了! 行开了原因系去攞碟通, 所以由落单到碟通粉放喺师傅面前, 前后唔使一分钟!
既然摆喺面前, 就随即开餐! 一如以往师傅先试汤底, 汤底真的够清, 有味道但冇味精, 多年来嘅水准依然维持到, 真的不错; 而师傅最钟意将白胡椒粉加入牛肉通粉肉, 呢度嘅白胡椒粉真的够香够辣, 最好一样就系个胡椒粉樽永远冇话倒唔出, 真系路路畅通; 不过是晚通粉就煮得过腍, 入口较粉, 师傅就唔太钟意, 不过系通粉冇坑纹, 冇坑纹的比有坑纹的好味好多, 而呢间食店多年如是, 值得一赞!
食到一半火腿, 炒蛋同多士亦同时登场, 火腿两片薄薄的, 唔咸唔韧, 都几好; 至于炒蛋真的一绝, 蛋身炒得好滑, 唔干唔老, 仲有少少蛋汁, 有蛋味, 怪唔得之咁多年依然门庭若市, 真系有啲计! 至于多士就烘得几脆, 包身松软, 就连师傅对包类唔特别兴趣都觉得好味, 正㖞! 当食到接近尾声, 侍应又好主动咁问餐饮, 于是师傅拣左冻柠茶, 虽然唔知细杯但都想饮! 冻柠茶嘅茶底香浓, 有茶味, 今时今日唔系好多地方可以有咁嘅水准, 虽然系细杯, 不过真系好味过好多大杯的!
总括黎讲食物水准维持到, 仍然十分之高, 服务就非常之快, 压力感大, 环境光猛但坐位较逼, 价钱就接受到, 埋单三十二, 可以啦! 探完森哥, 再聚澳牛, 呢一晚师傅单飞都叫食得尽, 亦真的非常之饱, 于是亦心满意足地离开! 笑脸要比, 但几时再黎就得择个良晨吉日喇!
张贴
