影片
更多
2016-04-21
1172 浏览
下班后突然想食粥，便到了心夜来潮。其实系第一次尼食，一直都好想试，但多数就唔岩时间，见今日早收工，就快快手手赶过去，希望唔洗等位。果然，七点前到系有位既，不过七点半打后就开始多人，如果唔想等位就一定要早到啦。落单先叫左煲砂锅粥，因为需时约半个钟，所以第一时间就叫左先。两个人食所以叫"小" 既SIZE，不过其实已经好够食。小既粥$150起，配料就拣左鲜鸡件、蚝仔同蛏子，3样夹埋都只系$160。7.5/10分。 因为太肚饿而冇影到入面D料，其实都算足料下，蚝仔应该都食到有15粒以上，而蛏子都有大约12只到，但有部分海鲜有沙，希望可以洗干净D啦。个粥清清地，但有晒所有配料既鲜味，而且食得出冇咩点落味精，食完都唔口干。 手打牛丸，强烈推介，8.5/10分。同一般机制牛丸好唔同，除左牛味重之外，入面仲会保留到肉汁。虽然冇星爷既濑尿牛丸咁劲，但食得出绝对唔系交行货。 手打巨型鱼蛋，6/10分。相比起牛丸，依个就逊色好多。虽然大大粒好特别，但奈何肉质唔弹牙兼鱼味欠奉，似落面粉多过鱼肉。不过至少炸得唔差，唔会好油亦冇过老，加上酱汁酸酸甜甜，可算挽回部分分数。小米饺，7/10分。类似鱼饺既小米饺系以
落单先叫左煲砂锅粥，因为需时约半个钟，所以第一时间就叫左先。两个人食所以叫"小" 既SIZE，不过其实已经好够食。小既粥$150起，配料就拣左鲜鸡件、蚝仔同蛏子，3样夹埋都只系$160。
7.5/10分。 因为太肚饿而冇影到入面D料，其实都算足料下，蚝仔应该都食到有15粒以上，而蛏子都有大约12只到，但有部分海鲜有沙，希望可以洗干净D啦。个粥清清地，但有晒所有配料既鲜味，而且食得出冇咩点落味精，食完都唔口干。
手打牛丸，强烈推介，8.5/10分。同一般机制牛丸好唔同，除左牛味重之外，入面仲会保留到肉汁。虽然冇星爷既濑尿牛丸咁劲，但食得出绝对唔系交行货。 手打巨型鱼蛋，6/10分。相比起牛丸，依个就逊色好多。虽然大大粒好特别，但奈何肉质唔弹牙兼鱼味欠奉，似落面粉多过鱼肉。不过至少炸得唔差，唔会好油亦冇过老，加上酱汁酸酸甜甜，可算挽回部分分数。小米饺，7/10分。类似鱼饺既小米饺系以外皮包住猪肉制成，SIZE细细，一啖一粒，岩岩好。但味道不见突出，似鱼饺，但外皮似虾饺皮，但比虾饺皮烟韧，算是不过不失之作。整体尼讲，心夜来潮既食物唔错，价钱亦合理，食左上面咁多野加罐汽水，埋单都系$250左右。服务几好，但上菜速度较慢，如果赶时间既朋友就唔好食依间啦。
张贴
