竹目日本料理 (已結業)

今日心血来潮去左嘉顿山影相，原本谂住食牛扒，但是果间店排到入黑晚晚后巷，见到咁我紧系掉到走，朋友喺openrice 揾到竹目，其实之前买珠仔成日见到衣间嘢，一直都想试，因为衣间嘅门面同深水埗衣个地区有啲格格不入，但是佢都喺度好多年，所以就去试下喇～ 个menu 都几多嘢食，但是已经攰到唔想谂嘢，叫左个二人set，有剌身，沙律，天妇罗🍤，串烧仲有个肥牛乌冬，仲有甜品，400几蚊应有尽有，废事谂就叫佢。啲员工好有礼貌，无叫都识加水，喺香港已经好难得。啲嘢食速度亦合适，唔会等太耐。剌身沙律：无特别sauce,清新开胃。刺身四点盛：新鲜厚切👍🏻寿司：饭有阵阵梅味，讲究，又新鲜串烧鸡三食：鸡肉棒入面有鸡软骨，有口感，味度都点赞；烧鸡皮，香口；烧鸡翼无咩特别。天妇罗（忘了影相）：有四件，两件炸虾，一件矮瓜，一件南瓜，都系无咩特别牛肉乌冬：衣个好好食，汤清甜，肉柔软而不失肉味甜品：两粒雪糕糯米慈400几与质素成正比，好食过好多地区日本嘢，可以一试😋