AEON Supermarket

营业中

休息中

今日得闲经过aeon听到星期三有特价就睇吓有冇平嘢可以买。附近有$100两盒寿司，点知道我买嘅呢一份冇。但系好奇怪㖞呢一个雪柜嘅寿司都系卖相睇落去好过特价𠮶边。其实我都有谂过买$28一盒送饮品嘅寿司饭。但系呢个免治吞拿鱼饭睇落去吸引好多，所以我就选择做呢一盒，$49.8冇特价。随盒附送一包豉油同一包Wasabi，好明显其实唔够。所以我就拎多咗几包豉油同埋Wasabi。一拎到返屋企即刻拆咗嚟食，可以食得出吞拿鱼有𠮶种芝麻嘅香味，同埋葱嘅调味，仲有本身海洋嘅鲜味。唔系讲笑，真心正。睇落去好似饭嘅份量多过鱼，但其实佢𠮶鱼铺得比个饭仲要厚身。我真系觉得同出面𠮶啲日式料理店要价成$100左右嘅吞拿鱼饭差唔多。