影片
更多
2023-08-09
25 浏览
最近口啖啖想食下啲辣又香口的食物刺激下味蕾😌😌今日经过深水埗，见到呢一间川菜觉得正合心意就入左去试下。餐厅环境以红砖小屋为主加上有不停转换灯光的灯，感觉很适合一大班朋友坐下把酒谈欢，一边食住串烧一边饮下野一边倾下计，下次要叫多几个朋友黎。一坐低就有麻辣花生做开胃菜，即刻想继续食辣，非常期待。黎到一定要试下酸菜鱼同串烧，首先我同朋友两个就叫左一个细既黄金酸菜鱼锅配鲷鱼片（小辣）($198)。个锅一路用电磁炉慢火热住，确保热辣辣。开头仲以为小锅份量好细，但是一出场就发现鱼片的数量都几多，绝无欺场，份量十足。除左份量之外，鱼片爽口弹牙又入味，酸度足够。呢个黄金酸菜鱼锅非常值得推介。除左酸菜鱼，我地亦叫左超抵食串烧组合B。$149 就包左12串，真系无改错名～超抵食🤩🤩！12串包括有鸡中翼、厚切牛脷、黑豚五花腩、墨鱼丸、鸡软骨，脆皮芝士肠各二串。最欣赏佢用铁碟上，下面仲有两个小蜡烛保温，慢慢进食的时候就唔怕些串烧唔够热😋😋串烧够热之余，仲非常惹味。我地另外仲叫左个辣炒椰菜($68)，呢个够大碟，好有锅气，而且愈食愈辣愈想食，不知不觉间比我清左成碟。最后，我地叫红糖糍粑（$48)作结。一碟有五旧
最近口啖啖想食下啲辣又香口的食物刺激下味蕾😌😌今日经过深水埗，见到呢一间川菜觉得正合心意就入左去试下。
餐厅环境以红砖小屋为主加上有不停转换灯光的灯，感觉很适合一大班朋友坐下把酒谈欢，一边食住串烧一边饮下野一边倾下计，下次要叫多几个朋友黎。
一坐低就有麻辣花生做开胃菜，即刻想继续食辣，非常期待。
黎到一定要试下酸菜鱼同串烧，首先我同朋友两个就叫左一个细既黄金酸菜鱼锅配鲷鱼片（小辣）($198)。个锅一路用电磁炉慢火热住，确保热辣辣。开头仲以为小锅份量好细，但是一出场就发现鱼片的数量都几多，绝无欺场，份量十足。除左份量之外，鱼片爽口弹牙又入味，酸度足够。呢个黄金酸菜鱼锅非常值得推介。
除左酸菜鱼，我地亦叫左超抵食串烧组合B。$149 就包左12串，真系无改错名～超抵食🤩🤩！12串包括有鸡中翼、厚切牛脷、黑豚五花腩、墨鱼丸、鸡软骨，脆皮芝士肠各二串。最欣赏佢用铁碟上，下面仲有两个小蜡烛保温，慢慢进食的时候就唔怕些串烧唔够热😋😋串烧够热之余，仲非常惹味。
我地另外仲叫左个辣炒椰菜($68)，呢个够大碟，好有锅气，而且愈食愈辣愈想食，不知不觉间比我清左成碟。
最后，我地叫红糖糍粑（$48)作结。一碟有五旧，外皮松脆可口，甜度岩岩好，不太甜。依个红糖糍粑同平时的做法不同，平时的红糖会在糍粑表面，而今次就系糍粑内里，很特别。这甜品是我食川菜都会必点，正式为今晚写上完美句号。
张贴
