心夜來潮 (已結業)

哩日老婆心血来潮约我同一位好友去心夜来潮食晚饭,三个人出街食饭就可以试多D菜式,入到店内发觉D位几阔落好坐,坐低后立即打开本设计得好骨子嘅menu,交头接耳咗ㄧ轮之后决定㸃以下菜式:1.爆炒酱啫秋葵香辣惹味肉碎拌爽脆秋葵,用热辣辣嘅石锅上,一食就好想叫碗白饭,不过我哋早已柯打咗饭,就系...2.生拆原只蟹肉蟹膏捞饭上菜时个炒饭系同蟹肉蟹膏分开上,再由店员响我哋面前将蟹肉蟹膏捞落炒饭喥,哩锅炒饭食落几干身,而且仲几大兜吓,其实menu都已经写到明系四人份,我哋三个今次真系眼阔肚窄,但既然叫咗就唔好做大嘥鬼,一于努力食晒佢!3.潮式香辣鱼仔炒新鲜蛏子王蛏子王大大只,香辣鱼仔系哩味𩠌嘅亮点,够晒香口惹味!4.传统鸭蛋煎蚝烙蚝烙劲推介,金黄香脆蚝仔又肥又多,食到心花怒放!有图有真相。5.海丰小米饺第一次食哩款饺,外皮嘅食感似粉粿,里面个馅料食落似云呑,新奇有趣!非常过瘾!6.秘制新鲜猪手墨鱼脯煲猪手焖到离晒骨,索晒墨鱼味入D肉里面,个汁好浓好好味!又一煲送饭妙品!食咗咁多香浓惹味嘅嘢,我建议大家饮萍果醋嚟为哩个丰富大餐划上完美句号,舒服晒~~~menu中仲有好多吸引美食,真系要嚟多几次至食得晒