影片
更多
2017-11-18
24008 浏览
不时有去吓啲工厂区嘅厂厦揾食，因为价位实惠，又有不少喺卧虎藏龙。虽然食自助餐都唔少，不过，晌工厂区嘅酒店食自助餐呢，印象中今次都应该喺第一次喇。不过，近年，都发现有唔少酒店进驻入工厂区，为工厂区带嚟多一点生气，位于新蒲岗嘅香港九龙贝尔特酒店就喺其中一家，今晚同亲友嚟到酒店中嘅「潮食街」食自助餐，认识吓呢股工厂区嘅新食力。由地下酒店大门，以至大堂，都睇到一股本土嘅型格，极富香港文化元素，一睇就勾起啲细细个嘅回忆。餐厅嘅前方原来喺酒店嘅入住登记大堂，唔怪得咁多人，仲贯彻番酒店嘅型格装修，最抢视线喺放咗一张美式桌球枱，可惜嚟食饭，未有机会显丑笃番两Q！入到餐厅内，原来都几大，一字打横以「镬鲜」、「轻型营」、「烤吧」、「笼点蒸」、「面对面」作为几个食物分区，设计带少少本土大排档风情；而座位就穿插晌各食物区之间，地方蛮宽敞，而最近就喺做紧海鲜煮「意」自助晚餐，主打一系列意大利美馔，让客人体验意大利风情。沙律、冷盘晌「轻型营」区提供沙律、冷盘及刺身，先介绍吓前两者，长枱上摆放2款沙律菜、10款配料及5款酱汁（蜜糖芥末酱、法汁、千岛汁、凯撒汁、意大利黑醋），以及2款预制好嘅沙律（意式海鲜沙律、红菜头
由地下酒店大门，以至大堂，都睇到一股本土嘅型格，极富香港文化元素，一睇就勾起啲细细个嘅回忆。
餐厅嘅前方原来喺酒店嘅入住登记大堂，唔怪得咁多人，仲贯彻番酒店嘅型格装修，最抢视线喺放咗一张美式桌球枱，可惜嚟食饭，未有机会显丑笃番两Q！
入到餐厅内，原来都几大，一字打横以「镬鲜」、「轻型营」、「烤吧」、「笼点蒸」、「面对面」作为几个食物分区，设计带少少本土大排档风情；
而座位就穿插晌各食物区之间，地方蛮宽敞，而最近就喺做紧海鲜煮「意」自助晚餐，主打一系列意大利美馔，让客人体验意大利风情。
沙律、冷盘晌「轻型营」区提供沙律、冷盘及刺身，先介绍吓前两者，长枱上摆放2款沙律菜、10款配料及5款酱汁（蜜糖芥末酱、法汁、千岛汁、凯撒汁、意大利黑醋），以及2款预制好嘅沙律（意式海鲜沙律、红菜头沙律），绝对够晒砌出一道美味沙律；此外，多款意式冷盘，包括烧牛肉薄片、蕃茄水牛芝士、烟三文鱼、风干火腿伴蜜瓜，都非常吸引。
再边边，有3款冷盘切肉肠及2款芝士：巴马臣芝士、哥根苏拿蓝芝士，备有克力架及提子干配衬，不过，小弟就喜欢揾面包伴芝士，所以，一阵饮西汤时先嚟切肉肠、芝士伴面包。
小弟惯于先由沙律落肚，开开胃，坚可以加强「食」力。少少沙律菜再加所有配料，淋上至爱嘅酱汁之一蜜糖芥末酱，搭多件烧牛肉薄片及蕃茄水牛芝士，组成小弟嘅完美沙律拼盘。沙律菜好爽脆，个蜜糖芥末酱浓香够挺身；烧牛肉薄片亦都好食，软腍有肉香。
沙律、冷盘
123 浏览
0 赞好
0 留言
再介绍埋啲刺身，阵容都唔弱，足有7款刺身：甜虾、北寄贝、醋鲭鱼、八爪鱼、吞拿鱼、鲷鱼、三文鱼，比一般自助餐只提供两、三款依度算喺多，不过，就只有少少寿司卷，而无寿司，唔紧要，反正小弟食自助餐都好少食。
随意拎咗少少刺身试试，甜虾、八爪鱼、吞拿鱼，质素不过不失咁啦，但应足够满足到大部分食客。
是日炖汤食咗两轮生冷嘢，嚟一碗热汤暖暖胃就最好不过，呢度嘅中汤提供炖汤，而且眼见不断有供应，无断过货，至于今晚嘅炖汤喺瑶柱节瓜花菇炖螺头，更用上紫砂炖盅，保温力更强。晌边度有得拎，就喺「笼点蒸」区喇！
依家好多自助餐都有炖汤饮，而且，水准不赖，今晚呢盅又点？两个字：好掂，一打开你就知用料无欺场，汤色清澈，饮落清润，秋凉饮就更窝心。温馨提示，啲炖汤好热吓，早少少开盖摊吓会易入口。
是日炖汤（瑶柱节瓜花菇炖螺头）
161 浏览
0 赞好
0 留言
除有炖汤， 仲有一款西汤：意大利瓜薏米鸡肉汤，侧旁放有面包篮（意式香草包、小麦包、餐包），不过，款式较大路，唯一心水啲喺意式香草包，如果，加番把热灯暖住就更好。
再食喺一道小冷盘拼餐汤，有切肉肠、风干火腿伴蜜瓜、芝士伴意式香草包，啲香草包拼蓝芝士或莎乐美肠都好夹；碗鸡肉汤都好多料，但味道较清，唔似常见嘅意大利杂菜汤咁浓，让客人有多一个较清淡嘅选择。
是日西汤、面包、切肉肠及芝士
151 浏览
0 赞好
0 留言
蒜粒姜葱蒸鲜鲍鱼本来打算准备去拎冻海鲜，突然间侍应送上每人一只原只鲜鲍鱼，原来凡于星期五至日及公众假期帮衬自助晚餐，每人都会获赠蒜粒姜葱蒸鲜鲍鱼，呎吋有10到12头大细。落刀已感觉到𠮶份弹力，入口烟韧咬口，有鲍味，亦充满蒜香，！
蒜粒姜葱蒸鲜鲍鱼
160 浏览
0 赞好
0 留言
食自助餐嘅人大部份心态都喺想回本，但又唔食得多，所以，向贵价食材落手就理所当然。晌「镬鲜」区有即开生蚝，自然喺抢手货，仲标明喺法国蚝，就更多人排，为免轮候太耐，每人每次限攞4只，当然无限任食。此外，冻海鲜仲有翡翠螺、冻虾、青口及长蟹脚。
一次过拎晒所以冻海鲜，啲蚝真喺几正，肉质爽脆，带丰富海水味，却又唔会过咸；题外话，啲蚝即开，师傅仲好有心机冲洗干净奉客，高峰时段，更有两个师傅驻场。其他海鲜，翡翠螺柔韧好食，冻虾爽甜，长蟹脚就一贯嘅超咸，唧咗柠汁都喺咸。
即开生蚝、海鲜拼盘
184 浏览
1 赞好
0 留言
「烤吧」区就较为吸引我，因为有香煎鸭肝配黑醋汁，两款烤肉（烤羊架、烧澳洲M5和牛，配烧汁或黑椒汁，仲有薄荷酱、英式及法式芥辣），而且，仲有好多选择，包括：烧粟米、烤菠萝、牛仔骨、焗意式海鲜锡纸包、盐焗原条海鲈、咖喱杂菜、咖喱羊肉、印度胡椒饼，另一边位就喺日式茶碗蒸、意式焗茄子、炒什菌，以及香脆巴马臣芝士炸鸡、3款自家制薄饼（海鲜蕃茄 / 四式芝士 / 卡普雷塞），一次过真喺试唔晒。
热盘（一）先嚟一碟以烤肉为主，烤羊架、烧澳洲M5和牛，再搭香煎鸭肝、盐焗海鲈，伴伴烧粟米、烤菠萝，立时变得有种巴西风味，羊架甚讨人欢心，软腍带微膻，沾一点法式芥辣实在喺一种享受，而和牛极富肉香，烧得啱啱好；鸭肝配一小片嘉拿饼，虽然细细件，一样煎得外脆内嫩，满满油香，配黑醋汁，减腻效果立见；不过，海鲈就实肉啲，却喺好有鱼味，加多一份焗意式海鲜锡纸包，有鱼柳、蚬只、大虾，底下仲有饭粒，味道颇鲜甜。
烤肉热盘
140 浏览
1 赞好
0 留言
第二道热盘就大杂会啲啦，拎咗7款菜式，计有炒中虾、沙白、炒什菌、咖喱羊肉、自家制薄饼、芝士炸鸡、焗茄子。最得我心喺炒什菌、咖喱羊肉同焗茄子，尤其啲茄子，又腍，且满载芝士；最唔得喺啲芝士炸鸡，大概因为炸起后只用射灯烘热住，效果一定大打折扣，唔及新鲜炸起即食。
即叫即煮意粉档顺便介绍埋晌「烤吧」区嘅即煮意粉档，4款面条（意大利粉、长通粉、大通粉、螺丝粉）、8款食材（带子、蚬、青口、虾、墨鱼仔、火腿、鱼柳……）、4款酱汁（蒜香蕃茄、香蒜橄榄油、松露忌廉、意式香草酱），可以随意自由配搭，据师傅讲，面条有时仲会转款，如天使面、大贝壳粉，但每日总有4款供应，其实都想试，不过，亲友又唔多好意粉，自己胃纳又有限。
烧味粉面档唔食意粉，仲有个烧味粉面档，就晌「面对面」区，虽然有叉烧、自家制烧腩仔及白切鸡，不过，对本地客可能吸引唔大，外国客就应该几喜欢本土烧味。除有烧味，仲有啲点心，印象中好似喺珍珠鸡、鱼肉烧卖。
自选生滖粥档意粉、粉面，仲有个自选粥档，同样晌「面对面」区，鲜浓鲗鱼汤底配生菜手刴鲮鱼肉喺店家嘅推介，而配料仲可以加柴鱼花生、龙虾、冬菇、免治牛肉、螺肉，佐料就包括薄脆、榨菜、花生、葱花，相信上年纪嘅客人会几钟意。
甜品、生果尾声又喺甜品时间，全部甜品都放晒晌餐厅近尾嘅位置，包括有云石芝士蛋糕、芒果子慕丝蛋糕、香草芭芭露、咖啡朱古力奶冻、焦糖布甸、杂莓拿破仑、朱古力慕丝蛋糕、杯子蛋糕、绿茶红豆卷蛋、半熟芝士挞、暖心朱古力蛋糕，后面仲有啲本土怀旧零食，如嘉应子、山渣饼……等等，意大利芝士蛋糕初初影相时见到，后尾无出添，兜吓兜吓发现雪耳红枣茶、自家制豆腐花、焗椰汁西米布甸放咗晌「笼点蒸」区一角。
是晚新鲜水果就有西瓜、火龙果、哈蜜瓜，唔食甜品嘅客人，可以食啲饭后果。
小弟同亲友都嗜甜，所以，大家都有留肚试甜品。一口气拎咗11款甜品，实行甜品拼盘大放送，虽然以款式以言，唔喺好有特别，但讲味道，整体嚟讲，真喺比预期好㖞，当中最得我心喺杂莓拿破仑、朱古力慕丝蛋糕、芒果子慕丝蛋糕、云石芝士蛋糕、绿茶红豆卷蛋、半熟芝士挞、咖啡朱古力奶冻、焦糖布甸，逐样逐样写真喺可以写多一大段，长话短说，好有水准。
甜品拼盘
161 浏览
1 赞好
0 留言
雪糕有晒成个Haagen Dazs专柜，只喺提供3款口味：士多啤梨，朱古力，云呢拿，虽然喺HD品牌，但略嫌口味普通，此外，柜内仲有雪米糍，并有朱古力酱、士多啤梨酱、花生酱、炼奶、花生碎、杏仁片、七彩糖作配料添加。
食住甜品又点可以无杯咖啡，餐厅提供啡茶、柠水、柠荼、汽水自助，不过，好得意，咖啡及红茶要7:30pm之后先开始供应。
如想饮其他嘢都有得拣，例如特饮、酒精饮品……等等，不过，喺额外嘅付款项目！
自助晚餐嘅定价喺$418+10%（成人价，星期一、三及四，公众假期除外），$498+10%（成人价，星期五至日及公众假期），因为，Openrice提供7折优惠券，实价唔使四百，以今晚所试嘅质素，比起出尖沙咀、过铜锣湾真喺悭一大截。服务方面又好，基本嘅收碟、添水、食物补充……完全到位，侍应又有礼貌，就连啲师傅都几好倾，有问必答，感觉呢度啲侍应、厨师都好年轻。不过，既然喺做紧意大利主题，不妨晌主题菜式嘅名牌上加入意大利国旗做底纸色，以聚焦主题，又或加少少意大利名胜小摆设，如比萨斜塔、罗马斗兽场或威尼斯嘅贡多拉……，都可以突出番意大利呢个主题。
张贴
