NOOT

营业中

休息中

NOOT (铜锣湾)铜锣湾黄泥涌道149号地舖依家好多餐厅都系日啡夜酒，好普遍，日间卖咖啡，晚间卖酒，符合白领需要。All Day Breakfast $148非常丰盛咁摆满一盘，英式感十足，炒蛋非常滑，蛋香浓郁！香肠同烟肉味道浓郁啖啖肉，特大冬菇烤得好香，软熟鲜甜又多汁，沙律菜同小蕃茄清新爽口，非常满足！Spagetti Truffle Mushroom $135好浓黑松露味道，芝士酱汁好浓郁，非常均匀咁沾满每一条意粉嘅所有面积，味道同口感当然一致唔会每啖都有落差。味道方面真系无得弹，浓郁又有啱啱好嘅糊口感，非常好味！New York Cheesecake $48芝士蛋糕真系非常芝士！每啖都系极之有份量嘅芝士，饼底好薄亦都唔会好有存在感，唔会有喧宾夺主之嫌，整片蛋糕都非常突显到芝士嘅味道同口感！Pale Ink (Liqueur) $108本身就好钟意咖啡，亦都有饮爱尔兰咖啡，对于呢种同咖啡有密切关系嘅酒本身就有认识，呢款Pale Ink本身就带有咖啡味，酒味反而唔浓烈，入口顺滑，好好饮。Orange Juice $35除咗饮酒，炎炎夏日有杯果汁真系赏心愉悦，清凉解渴，果肉多多。