影片
更多
2021-10-11
21 浏览
今日挂黑雨，返工搞到对鞋都湿哂，放工都仲未干，心情麻麻，想食返啲心灵鸡汤滋润吓。于是就去咗湾仔盈记四季养生面馆食鸡汤米粉。呢间舖头主打药膳鸡汤，每款米粉都有三大件鸡髀肉，然后再自由配搭其他选择。今日我就选择咗云耳配竹笙，朋友就叫咗山药。另外再叫多咗个酱香牛肋条同鲍鱼汁炆花菇。米粉大大碗，上枱嘅时候热焫焫，即刻饮返啖汤润吓先。鸡髀肉大大件，煮得啱啱熟，唔会太干。雪耳好大件再加上好多条竹笙，净系食碗米粉已经够哂饱。朋友食米线，基本上汤底同鸡都系一样，佢就拣咗山药，都好爽口。最有惊喜嘅就系鲍鱼汁炆花菇，虽然得四件，但只只都又大又厚肉，炆得又淋又入味，简直抢哂鸡汤米粉嘅风头😋另外一样酱香牛肋条都好味，炆到都好淋，但牛肋条嘅边位仍然都仲有咬口。食埋呢两个小食就超大满足，今日郁闷嘅心情都一扫而空👍
呢间舖头主打药膳鸡汤，每款米粉都有三大件鸡髀肉，然后再自由配搭其他选择。今日我就选择咗云耳配竹笙，朋友就叫咗山药。另外再叫多咗个酱香牛肋条同鲍鱼汁炆花菇。
米粉大大碗，上枱嘅时候热焫焫，即刻饮返啖汤润吓先。鸡髀肉大大件，煮得啱啱熟，唔会太干。雪耳好大件再加上好多条竹笙，净系食碗米粉已经够哂饱。
朋友食米线，基本上汤底同鸡都系一样，佢就拣咗山药，都好爽口。
最有惊喜嘅就系鲍鱼汁炆花菇，虽然得四件，但只只都又大又厚肉，炆得又淋又入味，简直抢哂鸡汤米粉嘅风头😋
另外一样酱香牛肋条都好味，炆到都好淋，但牛肋条嘅边位仍然都仲有咬口。食埋呢两个小食就超大满足，今日郁闷嘅心情都一扫而空👍
张贴
