餃掂手工餃子雲吞專門店

心灵饺子店，不能复制的味道～～～最近负能量满满，就来找我的心灵饺子店🥟食返个晚餐。之所以话佢系心灵饺子店，系因为佢哋嘅墙壁上面成日都贴住好多正面嘅字句，例如，系饺子过上好日子等等，又加上家里是北方人，北方人过时过节都钟意食饺子，总感觉饺子可以为人带嚟好运气。～～～粟米🌽猪肉饺香香甜甜，咬落去bit汁，粟米好脆口，好新鲜。～～～黑白配嘅龙凤松茸饺系佢哋店舖独有嘅特色，松露份量加得够重手，加上花生🥜味好香嘅冇味精状元九鼎汤，啖啖滋味，系一种其他店铺copy唔到嘅味道。～～～四川凉面🥢冻冰冰好适合夏天食，加上麻酱辣油，令人欲罢不能。台上就有🌶️辣酱，份量可以自己调校，条条弹牙。～～～香香甜甜少少咸嘅蜜饯鸡翼，好柔嫩，丝丝鸡肉都非常入味，配搭饺子嘅状元九鼎汤食亦好夹。～～～平时唔钟意食素饺，不过呢度嘅素煎饺确实不错，煎香后令素菜更添油香，外层香薄纸脆，内里湿润，加少少豆瓣酱，一口接一口，好快就清晒成碟。～～～饺掂手工饺子云吞专门店 湾仔庄士敦道44号地下