丸十あぶり牧場 (已結業)

行过moko见到呢间餐厅外放满咁多和牛系外面即刻比佢吸引左入黎试下晚餐，返工咁辛苦同朋友黎到要奢侈一下点左份二人烧肉餐。套餐包三款渍物前菜，牛蒡爽脆，其他都系泡菜类渍物。刺身三点，油甘鱼好新鲜甘甜得黎又香，三文鱼唔够肥但尚算新鲜。烧肉系自助式，2人用一个细炉但火力强劲，除左和牛之外最吸引既系餐厅有各款酱同配料食牛肉，餐枱上有枝试管式点滴柠檬汁，酸酸地之余又解腻。和牛附上一大份蔬菜用黎包住牛肉食呢种比较韩既食法完美地融入系日本餐厅，沙律菜块块都大新鲜爽脆。牛肉自己烧，烧炉有坑纹，牛肉拼盘有晒特别部位可以一次过试晒咁多款。牛肉质感同油脂分布都十分完美但牛味较淡，大多要加配调味料。大食既我地就算食完泡菜和牛炒饭唔太饱所以决定要再加一份厚烧原味玉子。玉子好软熟入口少少甜得黎又有蛋香，每块十分大食完已经十分满足。