吞POT 雞煲火鍋.住家菜

营业中

休息中

今个周末去旺角睇完屋企装修啲嘢之后，就留咗喺旺角揾食🥳见到吞pot好高分，即刻打去订枱，好彩都有得食🫶🏻前菜我哋叫咗个生虾刺身，排得好整齐又大只，食落好新鲜爽口🤤跟住就到主角麻辣鸡煲，啲鸡件都切得几大件，煮耐咗都唔会觉得太老会柴皮，仲几滑🤩调味亦都唔错，唔会死咸。配菜方面，最中意都系十全大宝丸，分别系五款手打丸类各两粒，五款都非常特别，尤其是黄金海胆黑墨丸🤣第一次食已经爱上😍钟意食丸嘅朋友，一定唔可以错过❗️整体所有嘢都好高质，一定会带朋友再嚟。