Chatterbox Express

营业中

休息中

星期五晚约老公出外逛逛食个饭，谂起好想食海南鸡饭，太古城内太古公园附近揾到《Chatterbox Express》。餐厅来至新加坡，新加坡独有嘅肉骨茶都系呢度嘅名菜，见到隔离枱食喇沙都舐舐脷。地方简洁，台面QR code手机落单，信用卡畀钱好方便，出柜台八达通现金付款也可，落单之后就会有店员帮忙上菜。文华海南鸡饭~卖相好吸引，海南鸡饭一定配有几款酱料，海南鸡饭甜豉油，姜油及辣椒酱，鸡油饭系我嘅至爱，鸡汤入口清甜，有一件好香滑嘅豆腐；海南鸡件件嫩滑，忍唔住都食咗一两块鸡皮。新加坡肉骨茶配饭~呢度嘅肉骨茶味道唔会太浓，采用整个蒜头，香浓蒜味，一字排炆得好淋，仲有两件油炸鬼，索满汤食。美禄哥斯拉(冻)~朱古力冻饮加球云呢拿雪糕，仲有粒粒朱古力脆脆，呢个甜品好受大家欢迎。有机茶(热)~公平贸易嘅香茶。