栢檔極品海南雞飯 (已結業)

荃灣荃新天地開左間叫「栢檔極品海南雞飯」嘅餐廳勁鍾意食海南雞，所以即刻去試下。餐廳裝修清雅，有着田園風味，感覺舒服。當日二人套餐還有九折優惠，即管試吓。栢檔靚湯紅蘿蔔，粟米南瓜湯，呢個例湯絕對唔馬虎，超濃郁，啲粟米和蘿蔔仲好甜，感覺沒有味精，可以話係我飲過最好味嘅例湯。海南雞（半隻）海南雞份量不少，起晒骨，肥瘦適中，雞胸肉都好滑，而且有雞味，點上附上嘅蔥油醬汁，味道一流。油飯做得好香，齋食飯都食唔停口。魚香肉餅肉餅外層煎得鬆脆，肉餅夠彈牙，魚香味適中，唔會太鹹，用來送飯一流。香麻辣鳳爪無骨鳳爪做得爽脆，麻辣汁好入味，雖然只係小食，但份量都幾多。雪糕糯米糍食完D味道豐富、濃郁嘅食物，食返個雪糕糯米糍，真係大滿足。