龍鳳食堂

营业中

休息中

今日比较早开完会放工（4点😂），正正系下午茶时间，同同事过左黎公司附近嘅工厦食肆食啲野发泄下啲怨气😛😛因为位于工厂区，所以餐厅唔做晚市，我就通常黎食早餐同下午茶多。Order左份邪恶但超超超好味嘅火腿芝士捞公仔面，加配热奶茶。我同事就order港式菠萝包加配红豆冰🙆🏻‍♀️🙆🏻‍♀️芝士捞公呢个配搭真系人间美食黎，衬热食啲芝士好溶好香好好食呀！热奶茶同样系我嘅至爱，我通常嗌少奶嘅，饮到茶底好浓香☕️菠萝包我自己都食过几次，都系非常建议要衬热食，菠萝皮好酥化，面包非常软熟🍍🥯冻野我比软少饮，但同事话杯红豆冰嘅红豆好足料同比预期中低糖，比左啖我试又真系几好味㖞！