Apinara

营业中

休息中

第二次食太古广场呢间apinara, 环境座位好阔落企理，有个靓靓bar枱㗎，气氛几贵气风😍今次嗌咗啲上次都冇嗌嘅嘢食，有芒果软壳蟹米纸卷，红咖喱和牛肋肉，大虾虾头膏炒河粉。米子卷有六大嚿，个皮非常之晶莹透薄，除咗面头有大大只炸软壳蟹，每个米纸卷中心都有蟹肉㗎！加埋啲红卜萝同菜食，好开胃！泰国嘅炒河粉零舍烟靭，湿炒得嚟又唔会黐住一pat pat, 啲虾非常新鲜，肉质弹牙，呢碟好抵嗌！红咖喱和牛肋肉我哋加咗两块印度薄饼，红咖喱带少少甜味，带淡淡椰香，好好食呀！啲肉炆得好腍又超入味，块数好多！配料仲有薯仔同花生。薄饼+红咖喱真心绝佳配搭🤩下次要再黎又再嗌唔同野！