新麻蒲 BBQ (波斯富街) (已結業)

身边有好多朋友成日都话想食酱油蟹，但又惊唔干净（M佬都系咁谂），今日就带仲未食过酱油蟹嘅M佬去到位于铜锣湾嘅新麻蒲。餐厅最近就推出全新酱油海鲜系列，我哋食过，好味之余又新鲜，连玻璃肚嘅M佬都好十分欣赏！最重要系价钱都十分相宜呀！一坐低就送上几款泡菜，味道都唔错！M佬一见到只蟹嘅肉质仲系透明个时，佢谂咗好耐，望完又望，最后终于鼓起好大勇气先敢放入口，但试咗一啖之后，佢好快就食第二啖喇！佢话蟹膏好鲜甜，蟹肉好入味，最重要系够新鲜又唔腥呀！至于伴饭料有青瓜、金菇、萝卜、洋葱、泡菜等。记住将拌饭加入蟹盖一齐吃，真系好好味㗎。挑战完蟹就轮到虾喇！平时食虾都系M佬帮我剥壳，但当佢见到一只仲系透明嘅虾，佢就停咗喺度，左谂右谂，唔识落手。好啦，今日就等我帮你剥一次壳啦！虾身够晒大只，肉质弹牙，好鲜甜㗎，虾头仲有好多橙色虾膏，一啲都唔腥。食完两样生嘢，M佬好感动话终于有个热汤，汤入面有红枣、人参等配料，汤底浓郁，鸡肉唔韧。惊喜系有成只鲍鱼，鲍鱼有咬口（M佬话嘅，因为得一只，我无份食）！！