小肥鵝火鍋料理 (已結業)

适逢朋友生日，安排了系小肥鹅打边炉，第一次感觉装修几光猛、整洁，服务员的态度都几亲切。去到寿星点了招牌鹅煲、同预先订左的三文鱼剌身，原条𫠒红鱼，及象拔蚌剌身、同其他火锅食物。最令我难忙的系鹅煲同刺身，讲到鹅煲的汤底真系一流，煲极都咁入味，通常一般的火锅店系加水后就慢慢无味，但唔知点解依间铺头的大厨一定有秘诀整到越加汤就越入味，尤其是放乌冬落去，吸哂D汁，超正~~~~讲到刺身，首先寿星连环叫左几碟三文鱼刺身当前菜，估唔到有日本料理的水准，再来重头戏原条𫠒红鱼和象拔蚌剌身，简直令到食唔停口，条𫠒红仲有二食，整番个盐鱼身，送酒一流。因为本人比较喜好刺身，全程食多过讲。而其他火锅食物都好新鲜、如鹅肝、鹅肠、手切肥牛、猪脑等，都搞到大家狂食。最爽就系队Hoegaarden，淡而不涨。食完13个人，又刺身、又劈酒(唔知几多支加杯啤酒)、又火锅，每人都系305蚊，好过落Bar...食过番寻味，一定再去~~~推荐！