CHOKOHOOD (已結業)

车车一直都劲想试E间位于大坑嘅Chokohood, 今日同好姊妹系铜锣湾食完lunch, 就拉埋佢一齐试下! 今日天气超好, 阳光普照, 真系好岩系出面打卡, 小店有多款唔同嘅朱古力产品, 款款都劲想试, 最近我地拣左个Chokolicious Tea Set, 入面有五款甜点, 两款咸点, 仲包一杯价值$58既野饮, 想饮其他饮品只需补差价就得! 每件都做得相当精致, 份量刚好好! 咸点方面有三文鱼西兰花法式咸挞同巴马火腿黑醋汁牛角包三文治, 两款质素都不错, 牛角包外层几脆带咸香, 配搭黑醋食, 几有层次感 甜点有香蕉朱古力焦糖饼批, 糖渍橙粒朱古力粒松饼配香橙柚子果酱, 红桑子朱古力挞配时令水果, 伯爵红茶朱古力焦糖炖蛋同脆皮朱古力泡芙, 朱古力甜品全部都做得好出色, 每款嘅朱古力味都好香浓, 甜度适中, 甜而不腻! 车车最中意佢个伯爵红茶朱古力焦糖炖蛋同香蕉朱古力焦糖脆饼批, 前者系五款入面朱古力味最浓嘅一款, 茶味几突出但又唔会遮挡左醇厚嘅朱古力味, 香蕉朱古力焦糖饼批向来都系车车几中意嘅配搭嚟, 食落几有层次感, 口感丰富!