泰式生香

营业中

休息中

早两日试咗呢间家庭式泰国小店，装修唔算好靓，但系你食完一次你会再帮衬，因为人情味浓，食物质素👍👍👍，食泰国菜我一定会点生虾，呢度嘅生虾一嚟够大只，二来佢个秘制辣酱汁😋我真系一试难忘，你直程会觉得佢点乜嘢都咁好食🤩🤩🤩呢个系我必食推介，仲有佢嘅期间限定秘制蛳蚶，如果钟意食蛳蚶真系唔好错过，佢有少少咸海水味加埋蛳蚶嘅鲜甜味，我谂起都流口水，😍😍😍泰国菜又点少得泰式咖喱炒蟹，出边一般都系会拣蒜蓉包薄饼或者配饭，呢度有啲特别可以配出前一丁啊😍😍估唔到咁样用个酱汁嚟捞面真系好食到黐咗线，仲要只蟹系好新鲜唔细只😍😍😍同老公食完之后佢都话会再返嚟😂😂果然香港嘅小店真系会有啲惊喜