影片
更多
2015-05-20
1042 浏览
与男友到北角揾食，四处睇下有无新野试，见到有间餐厅食潮州菜装修都几靓，而且好少潮州菜有咁好地方又坐得舒服，仲要系北角地铁站出口隔离，劲方便。呢间都几多菜色选择，有D我都未试过，唔似平时潮州打冷来来去去都系食果几样。我地总共叫六样菜 - 冰镇花雕鲍鱼、花雕醉鹅肝、潮州冻乌头、卥水鹅片、蚝仔肉碎粥、老火靓汤。冰镇花雕鲍鱼 - 我未见过潮州打冷有呢样野食，所以好奇叫黎试下。一上桌摆盘都几靓，但心谂成只鲍鱼都唔细，点食好呢~点知一夹，原来师傅已经切好晒一片片，但摆返好似原只鲍鱼咁，真系好好心机。再讲味道简直一流，花雕味不会过重，而且只鲍鱼完全入晒味，味道唔会流于表面，而且杞子又带出花雕的香味，作为一道冷盘，简直超水准。好吃到我停唔到口仲要偷埋男友果份黎食。花雕醉鹅肝 - 又系一样未试过的潮州菜色。花雕味好突出但鹅肝口感稍硬。潮州冻乌头 - 因为我地两个都钟意食鱼，所以得两条友都叫左条乌头食。果然无叫错，因为条鱼真系超级好食，而且鱼肉肉质非常嫩滑，条鱼又肥又大条，仲劲多鱼油，证明条鱼够晒肥美，好正~除左平时食开的豆酱，佢地仲有提供一只酸酸甜甜的酱汁，D鱼肉点埋呢个酱一齐食劲开胃，搞到我地两个人都
呢间都几多菜色选择，有D我都未试过，唔似平时潮州打冷来来去去都系食果几样。我地总共叫六样菜 - 冰镇花雕鲍鱼、花雕醉鹅肝、潮州冻乌头、卥水鹅片、蚝仔肉碎粥、老火靓汤。
冰镇花雕鲍鱼 - 我未见过潮州打冷有呢样野食，所以好奇叫黎试下。一上桌摆盘都几靓，但心谂成只鲍鱼都唔细，点食好呢~点知一夹，原来师傅已经切好晒一片片，但摆返好似原只鲍鱼咁，真系好好心机。再讲味道简直一流，花雕味不会过重，而且只鲍鱼完全入晒味，味道唔会流于表面，而且杞子又带出花雕的香味，作为一道冷盘，简直超水准。好吃到我停唔到口仲要偷埋男友果份黎食。
花雕醉鹅肝 - 又系一样未试过的潮州菜色。花雕味好突出但鹅肝口感稍硬。
潮州冻乌头 - 因为我地两个都钟意食鱼，所以得两条友都叫左条乌头食。果然无叫错，因为条鱼真系超级好食，而且鱼肉肉质非常嫩滑，条鱼又肥又大条，仲劲多鱼油，证明条鱼够晒肥美，好正~除左平时食开的豆酱，佢地仲有提供一只酸酸甜甜的酱汁，D鱼肉点埋呢个酱一齐食劲开胃，搞到我地两个人都忍唔住清晒成条鱼，一D肉都无剩。(P.S. 条鱼应该够4个人食~~)
卥水鹅片 - 传统潮州菜色，亦系每间潮州菜馆的招牌。呢间的卥水颇得我欢心，因为一般的卥水都过咸而且鹅片肉质都有点硬。呢间卥水味道醇厚而且鹅片吸收晒卥水的精华又不会过咸，最重要是师傅刀非常好，每片鹅片都厚薄适中而肉质颇为嫩滑。
蚝仔肉碎粥 - 用料相当新鲜，食得到蚝仔的鲜味而且粥内添加冬菜，味道更加提升。可能我本人重口味，觉得加少少盐会好食D，但我男友话味道刚刚好，可能每人口味不同吧~
粉葛眉豆猪骨汤- 食完咁多野，明明饱到死，睇人地隔离桌碗汤好似几好饮，我呢个汤怪又叫左碗老火汤饮，老板话无味精架~~一饮果然无味精，完全系饮到材料本身的鲜甜，而且用料相当十足。正!
如果我地两个唔系大食怪，成餐应该2百几蚊都得。但叫左太多野，搞到4百几蚊落楼~~
不过，坚好食~~
题外话/补充资料：
问过老板原来大部分师傅都系佳X娜过黎，唔怪得之D野咁好食啦~~
(以上食记乃用户个人意见 , 并不代表OpenRice之观点。)
张贴
