ASOK THAI GARDEN

营业中

休息中

位于荃新天地嘅 Asok Thai Garden真系好方便，行街行到攰可以过嚟食餐靓饭。餐厅环境超有Feel，播紧柔和嘅泰国音乐，坐低就即刻好放松，好舒服。首先试咗 青柠吞拿鱼北海道带子锅巴（$128），呢个真系好开胃，青柠味清新，吞拿鱼同带子都好鲜，配埋脆卜卜嘅锅巴，食完之后个胃即刻打开哂，超正！之后食咗北海道带子娘惹牛油猫耳粉（$158），呢个好香牛油味，猫耳粉好有嚼劲，带子都超鲜甜，牛油同带子味道好夹，食落口感丰富，真系好满足。最后系蒜香班兰烤羊架（$248），呢个羊架真系不得了，外脆内嫩，羊味好浓，但唔膻，配埋嘅薯蓉都系香滑到停唔到口。