餓媽家姐 (已搬遷) 新店位置

今日食咗芝士黑松露汉堡包，一咬落去黑松露嘅香味就即刻扑鼻而来，芝士嘅浓郁亦都扩散出去，半溶既芝士令到牛肉嘅香味得到大大嘅提升，牛肉嘅肉质亦都系咬咗落去嘅一瞬间爆发出嚟，配合埋竹炭嘅汉堡包，简直系完美嘅配合，蕃茄同埋生菜亦都非常之新鲜一，咬落去嘅时候食到田园嘅香味。然后我哋仲食咗炸烧卖，一咬落去冇过分嘅油腻感，咬落去仲有淡淡既鱼肉香， 食完一粒之后食唔停口，简直系会令人上瘾嘅鱼肉烧卖。食完炸烧卖，当然唔可以唔食佢嘅炸鸡翼，佢嘅炸鸡翼嘅炸粉唔会太厚， 虽然我哋系买外卖，但系都唔会买到返屋企就淋晒，肉质保持多汁同嫩滑，完全唔会过干或者过嫩。每一啖咬落去都感受到浓郁既鸡肉风味，人回味无穷。如果你系炸鸡既爱好者，绝对唔可以错过依间铺。我敢保证，试过之后，你一定会成为佢地既忠实粉丝。