影片
更多
2024-12-10
157 浏览
茶记或者冰室一向都系快靓正之选，而今次介绍呢间位于荔枝角青山道嘅「老荔冰室」快靓正之余仲加入咗八九十年代经典港式情怀元素，由佢铺面嘅霓虹灯装饰，到餐厅入面播放住经典广东流行金曲，喺度开餐真系零舍有港味🤪《 沙嗲牛肉芝士热香饼汉堡 》 $38 4.5 / 5好创新嘅配搭，咸香惹味嘅沙嗲牛肉放喺香甜松软嘅热香饼入面，两种味道撞埋好过瘾，而且仲有芝士令到口感同层次更加丰富，滋味又过瘾😳《 沙嗲牛肉煎双蛋公仔面 》$60 4.5 / 5沙嗲牛面本身已经系难以超越嘅经典面食，但系佢哋嘅沙嗲汁零舍香浓，再加上煎双蛋胀卜卜嘅蛋黄，蛋汁同沙嗲汁融入喺面入面即刻升晒呢🤤而牛肉亦都厚身有肉香！《 金莎朱古力流心西多士 》 $38 5 / 5 ⭐️⭐️⭐️⭐️⭐️超浓厚嘅朱古力酱铺喺炸金砖上面，仲有满到泻嘅阿华田脆脆！净系卖相已经极邪恶😈 一切开发现西多士入面满满嘅流心朱古力酱，一啖咬落去香脆之余仲有浓郁嘅朱古力香甜，绝对系今晚嘅MVP！《 生炸鸡髀 》 $34 4.5 / 5大过手掌嘅原只生炸鸡髀，面层酥脆，肉质滑口，而且肉香仲好丰富，唔会有雪味，亦都唔会有太厚嘅炸粉👍🏻《 滑蛋叉烧饭 》 $68 4 / 5筋肉分
《 沙嗲牛肉芝士热香饼汉堡 》 $38 4.5 / 5
好创新嘅配搭，咸香惹味嘅沙嗲牛肉放喺香甜松软嘅热香饼入面，两种味道撞埋好过瘾，而且仲有芝士令到口感同层次更加丰富，滋味又过瘾😳
《 沙嗲牛肉煎双蛋公仔面 》$60 4.5 / 5
沙嗲牛面本身已经系难以超越嘅经典面食，但系佢哋嘅沙嗲汁零舍香浓，再加上煎双蛋胀卜卜嘅蛋黄，蛋汁同沙嗲汁融入喺面入面即刻升晒呢🤤而牛肉亦都厚身有肉香！
《 金莎朱古力流心西多士 》 $38 5 / 5 ⭐️⭐️⭐️⭐️⭐️
超浓厚嘅朱古力酱铺喺炸金砖上面，仲有满到泻嘅阿华田脆脆！净系卖相已经极邪恶😈 一切开发现西多士入面满满嘅流心朱古力酱，一啖咬落去香脆之余仲有浓郁嘅朱古力香甜，绝对系今晚嘅MVP！
《 生炸鸡髀 》 $34 4.5 / 5
大过手掌嘅原只生炸鸡髀，面层酥脆，肉质滑口，而且肉香仲好丰富，唔会有雪味，亦都唔会有太厚嘅炸粉👍🏻
《 滑蛋叉烧饭 》 $68 4 / 5
筋肉分明嘅叉烧同炒滑蛋，无敌嘅经典组合绝对系白饭杀手，而且蛋同饭嘅份量比例恰到好处，啱啱好送完个饭唔会嘥嘢😂
《 阿华田脆脆火山 》 $26 4 / 5
冰冻阿华田上面有满满嘅阿华田脆脆，脆卜卜好咬口饮得又食得😋
《 奶茶红豆冰 》 $26 4 / 5
香滑奶茶配甜丝丝嘅红豆🫘饮落除咗香甜滑溜，红豆嘅粉沙状口感仲好过瘾添🤪
———————————————
🏠环境舒适度：💛💛💛💛
👅舔脷回头度：💛💛💛💛
📸打卡able度：💛💛💛💛💛
🙇🏻♀️服务满意度 ：💛💛💛💛
————————————————
张贴