茶茶台式料理 (已結業)

香港台湾餐厅好多，但黎黎去去都系果几味，好少会有啲特色地道菜，误打误撞俾我发现新宝戏院附近就有一间其实最初系俾门口饮品既水牌吸引到，系同某知名饮料同名既芝芝莓莓呀估唔到无令我失望，奶盖厚滑，入口满满芝士既咸香，底下既草莓沙冰一啲都唔死甜八号意思原来系四种茶混合而成，有金凤、四季春、红茶、绿茶，层次丰富，味道甘香而不涩、奶盖同样软滑出色。睇埋野食餐牌决定今日既午餐就喺度解决！台湾有名既臭臭锅，故名思义，汤底加左台湾臭豆腐，独有既香味令平凡既火锅料增加左风味配料非常丰富，肥牛、豆腐、贡丸、鸭血、木耳、金菇、蚬、椰菜乜都有，足料饱肚。里面仲加左米血糕，口感软糯，带米粒既质感，加喺火锅度食几新奇。鱼锅用左鲩鱼，少骨又厚肉又够滑，配上巴蜀风味既香辣汤底食落惹味又唔腥餐牌上仲有唔同既川味烧同小食选择。去台湾必食既香肠，口感扎实，条条都涨卜卜，肥瘦比例三七，嫩而不油盐酥鸡扒外皮薄脆，内里鲜嫩多汁，无谂过呢个价钱有咁大块食串烧必食既蒜香茄子🍆睇相就知蒜蓉超足料，铺到成个面都系，香口得黎又够嫩身除左今日点呢几样仲有好多不同锅物同串烧，样样都想试呀下次一定叫多几个朋友黎share食可以嗌多几样！