新福記 (已搬遷) 新店位置

前几日同老公食生日饭，记起之前有几个名咀推介过一间唔系好有名既食肆，必试佛跳墙及几样特色菜，就趁老公生日豪一次试吓啦！佛跳墙要最少早一日电话预订，但就唔驶落订。一去到先黎个小食: 九转小肠试吓。我本人平时就唔食内脏，肠之类，怕有阵味。但老公话这味小肠唔肥，又无臭味，就畀面试一粒，果然又真系几好味，又无我怕的内脏肠臭味，唔错！跟住就梗系慢慢食咗个佛跳墙先叫其他𩠌。一打开个炖盅就已经好香，汤头劲正，非常足料: 吉品鲍鱼、关西辽参、花胶、花菇、鱼翅、瑶柱、鹌鹑蛋等 ！边饮边食感觉个咀被黏住，块花胶及糖心鲍简直超黏，超好味！叹完佛跳墙都饱咗一半，试多两个菜: 福州荔枝肉、猪油渣炒菜花。而家这个天气非荔枝季节，所以改用龙眼，加埋咕噜肉个汁，酸酸甜甜几开胃。猪油渣炒菜花比一般炒菜较香，食落亦唔觉得油漏漏，而且个菜花几特别，一般酒楼都无食过，值得一试！最后试埋个花生汤汤圆，花生汤几香，但汤圆就一般。其他糖水都要预订，所以想试多一款都无 佛跳墙足料唔贵，值得一试！