麵道 (已結業)

之前食过佢鸡汤拉面，好惊艶，今日见出左新款开运双牛拉面（$128），主打和牛，今年牛年梗系要支持下！见到和牛雪花好靓，油脂均衡😍😍，汤系另一个容器度另上，店员会帮你倒落去，因为啲汤够晒滚热辣，啲和牛即刻熟之余，又保持鲜嫩口感，试吓汤底先，系好清甜既牛味汤底！至于拉面系比较粗阔，食落烟韧有口感。特盛叉烧溏心蛋伊势海老豚骨汤拉面（$100）呢款拉面就幼身同软淋啲，汤底味道都比较浓烈，微辣。叉烧肥瘦均匀，仲有个蛋香浓郁既减心蛋！试埋小食炸鸡跟啤酒，炸鸡整得几出色，食质保持鲜嫩同juicy,好味😋