五斗米 (厚和街) (已結業)

坚尼地城既店铺虽然唔算好大，但都有两张櫈仔可以坐系度食下野，虽然位置有少少窄，但侍应既服务都好殷勤，有咩需要都会尽量帮助，不过近马路边点都会大少少尘🙈讲番野食先，今次嗌左个二人餐，除左牛肉面同埋卤肉饭之外仲有生菜同埋芋圆～佢嘅牛肉面呢个汤底呢都唔算非常浓郁，但系面质就非常之有咬口之余，牛肉都系煮得非常之淋身嘅。而讲返佢嘅卤肉饭呢份量唔算多，但系基本上都系以瘦肉为主，都有相当嘅汁呢可以送饭嘅至于讲返佢嘅芋圆呢都比较特别嘅，佢嘅底就系冬瓜茶，所以食紧个阵都有冬瓜茶嘅香甜味，而敷完都十分之真材实料，食得出有芋头同埋地瓜系入边